CAMP SPEED 4: FALL INTO ME
By: Cady Lorenzana
Ang sabi nga nila, blessing comes to those who wait. Nahintay siya nito at natuwa siyang pareho silang nabasbasan ng blessing ng pag-ibig. She was happy he waited for her and she fell for him after that long wait.
Bata pa lang si Zia ay inis na inis na siya sa kinakapatid niyang si Keith. Kung umasta kasi ito ay para itong big brother niya at siya ang little sister nito. Daig pa nito ang magulang niya kung magbantay at magsermon sa kanya samantalang hindi naman niya hiniling dito ang mga bagay na iyon.
Ngunit lalong nadagdagan ang inis niya rito nang pagbawalan siya nitong pumunta sa Camp Speed kung saan member ito. Kulang na lang ay ipa-ban siya nito roon para hindi niya masilip ang crush niyang si Zeb Figuerroa. Iyon pa naman ang main purpose niya sa pagpunta sa Camp Speed pero sinabotahe rin siya ni Keith dahil isinumbong nito sa mommy niya ang kanyang plano.
“Ano ba’ng gusto mong gawin ko para tigilan mo na ang pang-iinis mo sa akin, Keith?”
“Gusto mo talagang malaman?” seryosong tanong nito. “Pumayag kang magpaligaw sa akin.”
Nagulat man siya sa seryosong mukha at sa sinabi nito ay hindi niya iyon ipinahalata rito, sa halip ay pinagana niya agad ang kanyang isip. Bigla siyang napangisi nang may maisip siyang kalokohan. Humalukipkip siya. “Game.”
Ngunit mukhang nagkamali siya ng desisyon dahil sa halip na ito ang maapektuhan ay nag-backfire sa kanya ang damdaming hindi niya inakalang mararamdaman niya. Hindi pa pala siya immune sa charm nito dahil nahulog na nang tuluyan ang loob niya rito.
x FACTS AND TRIVIAS PORTION
Characters:
KEITH MCGRAW
x I love “torpe” guys. Madalas ay natotorpe ang mga heroes na ginagawa ko. Pero sa lahat, si Keith ang pinakamatindi. Hi-hi.
x Dapat ay playboy dito si Keith dahil mahilig rin ako sa playboy. Pero as the story goes on, binago ko siya. Hindi siya playboy. Sakto lang.
x He was afraid of rejections.
x Bukod sa Formula One Race Car driver siya, may hidden talent rin siya. Ano `yun? Basahin niyo na lang `yung book. He-he.
x Protective si Keith. At nangyari `yun dahil kay Christian Grey! Ha-ha! Kakatapos ko lang kasing basahin `yung 50 shades habang sinusulat ko ito. Na-inspired ako roon nang slight. Char!
PATRIZIA/ZIA CIPRIANO
x I took the name from a reader/friend Patrizia Ann Gutierrez since nag-request siya sa akin a long long time ago na sana daw ay magamit `yung name niya as heroine sa pocketbook. Ginawa ko lang Zia `yung nickname niya.
x `Yung qualities ni Zia, madalas galing sa akin lahat. Well, most of the times, I always put myself in my heroine’s shoes.
x Maarte si Zia. Kagaya ko. He-he.
x She’s a model.
x Lagi siyang nai-i-inlove pero nasasaktan rin sa huli. May gusto siya sa isa sa mga triplets. :P
THE STORY
x Dapat ay ako ang pang-five sa magsusulat sa first batch. Pero dahil lumuwag naman ang schedule ko, nag-give way ako. He-he.
x I love Cats and Dogs stories. Ganoon ang theme ng kuwento nina Keith at Zia. Mahilig kasi ako doon sa mga scenes na palaging nag-aaway.
x Naka-ilang ulit rin ako nang simula sa story na ito. Mga three times yata! But I’m glad worth it naman `yun kasi na-approved agad siya.
x `Yung isang scene dito ay inspired sa Victoria Secret Fashion show last 2012 yata `yun. Ginamit ko rin `yun sa isang kuwento ng for revision manuscript ko pero dahil hindi ko na siya inayos, nilagay ko na lang siya dito. Isa `yun sa mga favorite scene ko.
x The lesson in the story? Ah, teka. Sasabihin ko na lang `yung mga ibang aspects na tinackle nito. He-he. The story is about handling rejections, trust and possessiveness thingy! Ahhhh, basta, hindi ko masabi nang diretso. Kayo na lang ang bahalang humusga. He-he.
xx
Cady
No comments:
Post a Comment